2015-3-8
Yo~~~ 38婦女節
3月7日，星期六，38weeks6days最後一天上班，之後就正式放產假囉！我都計到好盡呢～
這次叫了媽媽來我家坐月，所以要麻煩弟婦的媽媽由馬拉過來湊她的小孫兒，我約了她3月7日到港，預我媽3月8日正式來我家住。
臨生前這個星期肚子右邊被羊咩咩撐到皮都累壞了，跟龍寶寶臨生時差不多情況！（但總體兩胎胎動都唔多、動作亦唔大，更加冇我期待的瘋狂踢）而今次就沒有腳腫，無得計「三腫三消」。
3月7日那天，特別覺得盤骨容易在某些動作覺得痛，雖然想行快些但實在有心無力，或者年紀大了⋯但心裡多少都有些直覺是否就生得。就在臨清晨時份肚子痛了，還以為是要大便，因為這個時段實在太眼瞓了，意識上很混亂呢！
在廁所便便時覺得不對勁了，真的好痛呢！用手機apps計時，不對吧，兩三分鐘就痛一次😱😱😱，那麼快？！之後我就躺回床上，心裡想，痛得那麼密會否見紅呢？又跑回廁所看看，紙巾一抺，yes, 見紅了！唔洗諗唔洗估、馬上換上M巾！就拍醒老公了～～～
不是嘛？！個肚痛得好密啊～～～驚驚！
老公和我的動作太快了吧！不用15分鐘已換衫及帶上還熟睡的龍寶寶出門去！
幸運地，大清晨很容易截到的士，路路暢通，司機大佬熟路。一上的士致電給弟弟，叫他們到醫院接龍寶寶，很有默契地大家都同一時間到達醫院！
在車上坐著不覺，一下車人企直，就感覺到羊咩咩要出來了，呢一刻我真的驚了，我幾驚就咁生，一唔痛，就急急腳向電剃進發！（好彩都好近）
到了威爾斯7樓產前房，做了一般檢查已經開晒了，忍痛除褲換衫，床都沒過就直接推下去6樓產房了！（今次啲姑娘冇上次龍寶寶那時咁nice）
由於這次太趕急，老公已經不能再陪產了，B鍊的抗生素都無時間打！問完些問題（有位女士問我幾多週都問咗我五、六次先聽得入耳），羊水亦在此時自己穿了，呢一刻真係急到爆但都唔比疴，痛到「講不出聲」只有嘆息⋯⋯待助產士清潔好就可以用力疴！
這一次，我覺得很難疴，感覺到助產士用手打開我下面，感覺不舒服所以我自然地雙腳合埋，又比人話，疴又疴，佢又攪我下面，腳又再合上，這情況重複了數次，直到其中一位助產士近距離望住我講：你合埋腳會夾親bb架。聽完後做人媽媽的小宇宙發揮了，一路覺得最難出的部份一ok，即頭仔一出身體就滑出來，感覺太爽。就這樣羊咩咩出來了！
3.565kg / boy
呢次由痛到生完只用了個多小時，快得令人驚驚呀⋯⋯⋯
生完bb就等疴胎盤，正常就好快會自動排出的，今次我有一塊留咗喺入面，要人手伸入去摷，雖然唔痛但感覺不好受，唉。摷咗陣都未得就話等下先陣間再摷喎，最後都順利排清！之後就聯針，今次好好彩，只係剪咗下面最外一層皮，之後完全唔痛，點坐都得非常開心！休息一下就推上8樓產後房喇～～
Hello，好男仔樣呀！（我覺得家姐可愛啲XP）
老公去到好遠買早餐比我所以差不多9點左右先入到嚟⋯替我執好東西後就走了！
我小便好後就行咗一圈就比回羊咩咩我了！不過我兩胎都係，第一次落地行冇問題，但第二次行先暈，所以大家要小心、留意呀！
