K1 interview

今年11月是全港幼稚園為2015/16年K1 interview時段，12月派結果，1月統一註冊～

一共申請了14間學校，2間是之前學前班已經申請的，1間是專門給南亞裔小朋友但都是報咗先，其餘11間入面有4間是全區大熱門，相信要好幸運才可入選，我當然希望其中一間心儀大熱學校收我的龍寶寶啦！

第一次與龍寶寶到幼稚園面試，真的好緊張呀！

打頭陣的幼稚園好近我們家，她的堂哥也在這裡畢業，相信老師都很好，否則我99應該會叫我們不用報它。不過我自己就不想龍寶寶讀這一間喇如果可以選擇的話⋯⋯因為，這間學校到今時今日還未有網址啊，無語！

由十月底開始一直到12月頭，終於都完成所有面試了。最後放棄了一間面試機會，因為它要我即時交留位費，我知我不會即時交費而且當天太忙，要面試之餘亦要交表攞表⋯

其實所有面試過程真的好輕鬆，九成十都會問名、幾多歲，某些學校會問顏色、蔬菜生果名之類。有一些只給小孩自由走動玩玩具觀察他們的反應⋯亦有一些學校會問家長點解會擇我們學校，家長就要預先溫習喇！

衣著方便，某一些較傳統的學校會穿上較斯文和大個女的裙子，有些較活動學校或不太出名的就著得sporty一些～

來到這一刻，已經有三間學校reject了我們。坦白說，真的有一點氣餒，還幸這三間都是二，三選學校；12月中至月底，就是全城關注的4間大熱學校放榜了，龍寶寶你要good luck!!!

胎動 @ 24weeks5days

來到24w, 肚圍已經39''了，當然肥膏都佔了幾寸～

來到這個週數還以為胎動會很明顯，因為在16週時已經feel到明顯郁動加上是男仔，所以認為胎動會很強！但原來比龍寶寶時還少，羊咩咩越大越郁得少，力都冇加，有時還害怕他什麼了⋯

羊咩咩最開心應該是我進食時，他一定會郁的！但飯後就會停或慢動作多郁一回。

有時晚上平瞓床上都會郁郁下但近2週又少了⋯按肚都沒反應！

而我亦懷疑他晚上是很活躍的，因為我有兩次被他大大力的踢醒了，但仍然未肯定，可能是發夢的，haha

但我是想嘗一下，旋風洗衣機式胎動啊！

產檢 @ 16weeks2days

P終於都正正經經去做個產檢！

跟醫生說曾經有出血問題，所以一埋位照照胎盤先:

醫生馬上發現胎盤是底了一點，所以有機會因子宮受壓而出血問題。一般到廿多週時會自動升高，那順產時就沒影響喇~

**如果有胎盤底的問題，真的要暫停性生活、粗勞以免子宮受壓收縮引致出血現象。**

**而我都有跟威院醫生說胎盤低的問題，醫生和姑娘都說，如果到了廿多週照了結構檢查時仍未回升，請私家醫生寫信並帶回到威院排新症隊伍安排到醫院follow up，不用等回健康院做產檢時才作安排。希望比多少少資訊大家，至於其他醫院做法我就不清楚了**

就檢查完胎盤問題，醫生話題一轉已經講了性別出來了。

大家看到嗎？有經驗的媽媽們一定看到了~因為姿勢太好太open了XDDD

相片由羊咩咩的patpat低部底炒上去，左右較長的是大腿骨，至於中間少少光影就是他的JJ！希望不要手多多，手仔扮J仔啦。近20週照結構時再double confirm~

**話說今次產檢有個小插曲，我是大約早一個月已經預約，打算看回翹康葉承楷醫生的。由於當時在家致電預約，再憑記憶回公司mark日歷，就這樣真的記錯了日子，早了一天，肯好姑娘安排我改看黃濤醫生，不過感覺一樣良好，沒有hard sell, Good!!!**

中藥調理 @ 15weeks

因為出血問題，連續飲了十天中藥，情況亦有好轉，touchwood乾乾淨淨了~行動亦變得慢慢的，不要急不要趕，而且不抱龍寶寶了，一齊粗勞動作都要避免！

這次亦認真乖乖戒口啦，凍飲，綠茶，生冷，寒涼的都乖乖戒掉。上一胎頭3個月凍的戒得很清，而且當時發現懷孕時已經十月了，天氣開始有少許涼意，但這次是7月呢，真的熱得要命。而我亦確實鬆懈了，我是天天喝凍的。在此，還是提提大家，凍的食物都是戒一戒吧~

至於中藥，我不敢斷言出血問題是不是和不戒口有關，之但是，如果你看一位醫生，就要相信他。何況我們始終是中國人，我相信體質是容易接受中藥，這是我相信的！

最近一次聽到醫師說脈象回復生氣亦放心很多了……心情輕鬆些，終於都忍不住問問醫師估不估到是男或女:

醫師說: "就脈象來看，似是男仔"

wow~~~回家馬上跟老公說有機會是男仔㖿，看到他忍不住暗暗笑的樣子，真是很攪笑呢！

希望承你貴言！

急症 @ 14week7days

噚日又流紅，吃過晚餐後就馬上軟嘆床上。休息一晚後，已經沒有見紅見啡了~

除了早餐和午飯落樓之外，其餘時間都在家休息，幸好龍寶寶都好乖，早上十時起床，3點左右午睡。中間時間我們玩一下小玩具，很好。

到了6點多我為晚餐作準備(因為昨天已買餸，都要煮埋去), 就大約7點，又有鮮紅了，嗚嗚…整天都沒有，為何又來！

我家附近有一所細醫院，決定飯後去看急症，很快就到我了。幸好，bb有心跳有郁動，嚇死我喇。來回的士，前後不用一小時，很快呢！回家馬上繼續在床上好好休息~

而且決定明早老公到街市買隻雞，燉個蟲草湯補一補先掂呀！晚上繼續飲中藥。

亦決定星期三才上班，希望休息夠減少日後再出血的情況，bb加油呀！

又流血… @ 14weeks6days

話說噚日到健康院做檢查，醫生叫我再到威院驗血驗有關地中海貧血嘅事……

今日就到醫院去了，一來一回都好順暢，雖然醫院個姑娘串串地，不過我都有還擊，哼！

之後就回家買餸煮飯，到了7點去vv時又有血，唉…是鮮血！

想了一會，決定去看中醫，因為西醫只是照一照而已。跟醫師說有流血嘅情況出現，他說以我十多週的脈象來看是比較弱……幸好不是太差，開了安胎藥，戒生冷食物，休息多一點便可，不要再抱龍寶寶了。醫師那句脈象較差太令人擔心，嗚嗚…

回家後，煮埋下半part飯，但突然feel到下面有東西流出來的感覺，即刻到廁所看看，好多呀！好似嚟m咁，驚驚……

未煮嘅菜留比老公處理，我即刻瞓在梳化上休息休息……除了食飯去廁所外，整晚都在床上，心情十分忐忑，亦決定連休3天，星期一晚再看情況上不上班！

羊咩咩，雖然媽媽是沒第一胎咁緊張，但並不代表我不愛你，我同樣是咁著緊你的，你唔好怪媽媽啦，之後我會變乖的，你都要乖乖啊~~~鍚鍚！

見紅流啡 @ 13weeks

唉…真係萬萬想不到，就在13w的第一天見紅，發現後馬上和龍寶寶一起午睡，但心情複雜，根本就瞓不著，只是在床上休息下，等會還要到99家做節……

幸好，晚上已剩啡啡的，稍微安心一下。第二天晚上已經沒有了，明天可安心上班！

其實回想這幾天，星期四和龍寶寶一起到威院做唐氏檢查和替她報幼稚園，但我一點都不倦，而且有用bb車，我覺得都很舒服，沒有不適。

到了星期六，又因為報幼稚園沒上班，同樣推著bb車，報名之後就回家了，直到下午打算去完vv和龍寶寶一起午睡時就發現了……真是打個突！！！

到了星期一，4點多，在公司去廁所時發現，一大片紅，是鮮血呢……好驚好驚！！！馬上收拾請假閃人看醫生。我一個人不敢到急症室，所以決定到屯門一間診所作檢查，只希望bb仍健健康康就可以了！

大約5點多我到了診所，照到bb郁來郁去，安心很多了。醫生只是說作小產之類，休息多些。

唉…或者我太粗魯，因為我不想太快給同事知，所以我在公司都會行得幾快下，可能咁而有所影響，於是我只好忍耐一下，盡量行慢一點……

說實話，真的有點對不起bb，可能令她覺得太疲累而向我發出警號，而我亦沒認真正視。我會好好改善的，對不起！

威院照oscar @ 12weeks4days

今日到威院照oscar, 約咗8:35am，仲乜咁早架？因為太早所以我帶埋龍寶寶出去，好彩全程都好乖，冇扭計，抵讚！

前前後後連同抽血，要成3個小時才可離開。

見姑娘量度的數量，無估錯應該在1cm內，問了姑娘沒有答我正式數據，只話量出來結果正常，而整個檢查要連同驗血報告和年齡等一同參考為準。

而我亦有打聽能否照一下男或女生，不過姑娘話而家睇唔到，更話了一個壞消息給我知，就是結構性檢查已經full了，要自己找醫生檢查了，唉…天呀！一般街外收費約1500~3000元不等，真是晴天pig pig………

收拾心情後，就回元朗替龍寶寶提交K1入學申請表，9月份有3間幼稚園可交表，就趁今天的產檢休息日來進行吧！

回家食晏時，已經是1點半了，休息一會就帶龍寶寶上芭蕾舞班，之前學校有活動需要補堂，就選了今天，時間剛剛好！

就在龍寶寶上課期間，替她交了第3間的報名表。

話說我一共選了14間學校，當中，有4間是大熱門，如果能收的話真是謝天謝地，不過現在人人都報至少8間以上，一間學校最多100個位但有1000人申請，競爭真的很大，現希望能有一間較心儀學校正選收龍寶寶啦~~

身體變化……1

有過上一次的經驗同醫生的預測約於7週左右開始出現害喜現象。

其實自己都有些擔心，因為實在太怕嘔，上次陀龍寶寶，幸運地只有肚餓時才想嘔吐，食飽後就沒事，沒有真正的嘔，但因為成日都肚餓，作嘔的感覺都不好受。

今次一直等到7週，時常留意害喜出現未……? 因為每次懷孕都是獨立性質，每次出現的情況都會不同，所以我真的好怕會真嘔呢。不過，整個7週都沒太大反應，當然有些少倦，少少胃部不適是有，但沒有影響食慾。

來到8週後段，這兩天的害喜問題似乎勁咗，同龍寶寶時一樣，肚餓就會想嘔，今次還多了頭暈暈的感覺，還有暈車浪，真的似人家病了的感覺。

其實一般大肚婆，在未有胎動時都會依靠害喜情況來推斷小寶寶在自己的肚內健康成長，所以無論多辛苦，只要想到這一點就會覺得自己可以捱過來，再加上丈夫和家人的關愛，什麼事都可以順利渡過的~

bingo小分享

今次係第二胎，共試了6個cycle。由第 5 個cycle轉了新中醫，感覺良好…以下是我的分享:

1) 新嘅中醫話老公一定要戒啤酒，因為葵花成份太傷精。初時老公唔聽，因為已生了一個嘛…激死，但中醫千叮萬囑話要戒，最後都乖乖戒了(因為佢想生仔，我跟它舉了幾個例子後才肯戒xp)。老婆就戒生冷嘢，雖然我冇戒足晒但盡量囉~

2) 最好兩公婆一齊睇中醫調理。但老公唔願睇，中醫都好好，寫咗啲藥材湯比我，一到weekend就煲，可以飲到兩三日。平時就飲番99煲嘅湯水。中醫寫嘅這藥材湯男女都飲得，都好平，一份才料$40左右。我幫手飲少少，老公主力飲!

3) 新嘅中醫睇咗2個cycle，佢話我個脈唔差，老公戒啤酒就會好快中。我搵了一個近屋企嘅普通科中醫，不是專門的婦科中醫。因為個人覺得，只要是夾的，唔出名的中醫反而仲細心又唔呃錢又唔洗等好耐。

4) 平均一個cycle睇4~5次，每次兩劑藥。診金$60，藥費$1xx兩劑。多數都係補腰骨嘅藥。不過睇咗佢後個人真係瞓得好咗，又精神咗，通宵睇完波都唔倦。

5) 我呢個中醫都幾nice, 都有講自己嘅成功例子，但沒有show off嘅感覺，幾老實(好憎吹噓自己有幾勁嗰啲)…我唔敢講睇中醫就一定會中，只係多多少少有啲幫助，身體好啲易中少少咁解

6) 交功課嘅策略，每次完m，我都會同老公dodo, 幫佢清舊貨，然後儲彈藥，直到紅d深粗才再dodo。因為生上胎時有jm教落，隔日dodo丁丁數量可能不足，根本唔夠數量入唔到輸卵管，我地幾個jm都至少儲了一星期才dodo，全部都中了，所以我堅持唔會排卵前後隔日do…當然，好多jm連續，或者隔日dodo好幾次都中，大家可以按自己嘅生活規律再決定

7) 因為今次想生仔，所以我駁一駁，等紅d由深粗變淺才dodo，連do兩日收工。上cycle化學咗，今次……(希望事事順利)。雖然唔知仔定女但儲精呢個方法我個人覺得係 work 嘅，儲精後第1次 dodo嗰次好重要，認為這樣丁丁量會較多，希望可以多些成功入到輸卵管。

8) 亦證實咗之前jm所以，"紅d轉淺不要放棄dodo" 的道理，我兩個cycle都是轉淺才交功課的

9) 雖然今胎冇第一次咁著緊，基本上係冇戒口(上胎都冇戒)，凍飲雪糕咩都食~不過魚生，軟雪糕等就避免喇!

希望小小分享可以幫到大家~

是真的嗎??!!

上編說到dueday當天捧捧驗到有線了！心情1516，因為上cycle化學了，心理壓力亦不少。又怕這怕那，唉…

7月4日，dueday驗的，綠d結果好淺呀！紅d深粗和"準快易"就很明顯了~

第二天，我固意用晨vv來驗，好像是深了一點，就這一丁點……"活色生香"雖則有明顯線，但不是很明顯呢，究竟答案是……好辛苦呀！

於是，我決定看中醫，中醫都把到脈了，好強啊！！！他說這一次"是了"，叫我萬事小心，不要抱太多龍寶寶，盡量吧~心中多了一份安全感，希望事事順利~

不過到了晚上再驗，綠d結果仍是好淺呢…但已經dueday了2天，理論了應該是有50%左右深，但點解，點解……(想哭)

7月5日，是星期天，無所事事又驗下啦。還是淺淺的，除了再煲中藥安胎外，我已經不敢抱希望了……

係，我又在驗綠d，仍然是淺線，懷著失落的心情上班。

工作時間，我忍不住驗了紅d，是有深色一點。這種忐忑的心情實在太難忍受了，我決定下午去看醫生……一等就2小時了，噢…

一入去，醫生跟我說"恭喜晒~"

是真的嗎？

跟醫生說我自己驗極都很淺色呀，但醫生的捧捧又有明顯的線，好實在，令人安心的線啊~~~

醫生著我不要再日日驗了，深深淺淺已經不重要亦不代表什麼…太好了~~~

現在羊咩咩還是少少的，約4week多，預產期是明年3月中，你要乖乖痴實啊，啜~

如是者，我順道去了醫院登記排期，回到家已6點多了，累！

安安心心了幾天，突然又想再驗驗……哈！綠d終於有明顯線喇！還以為我這一批綠d質量有問題，這看來是正常的呀！

紅d已經over對照線了，yes !

7月13日，dueday+10, 紅d好深呀！

以上是由dueday所驗的紅綠d結果~

dueday+15, 200%紅d圖。

羊咩咩你要加油唷~~~~

Cycle 6

上cycle過了幾天dueday才驗到懷孕，捧捧都是淺淺線，而且驗完第二天早上m小姐還到訪了，確定為"化學懷孕"~

6月8日，係我嘗試第6個cycle 的day1, 革命尚未成功，仍需繼續努力！

老公要繼續戒啤酒和飲藥材湯，而我就努力去看中醫調理。

6月17日，day10感覺有些拉絲分泌，就開始驗紅d, day11早上開始深，這樣看，今個cycle應該會比平常還早幾日排，day12凌晨再驗已經好深粗了。由於今次駁生仔，所以會盡量延遲dodo時間，希望男丁丁能一馬當先，成功達標，而且老公放工實在太倦都不願郁，於是約好了老公day13朝早交功課，順利完成。

6月20日，day13早上再驗已經明顯變淺，相信已經排卵了。當晚再補飛一次，而之後因為比人放飛機所以冇再交功課了~

排完又交完功課，就只有等。最快都要dueday前3日才有結果。這次，我完全沒有偷驗紅綠d呢，因為上cycle驗了沒中卻遲遲未見m小姐，那幾天真的快瘋了。我怕這cycle一樣，驗了沒有已m小姐再遲到的話，真的會崩潰唷~~~

今個cycle應該day13排+14日為dueday。到了dueday當天我有量體溫，沒有跌溫，oh my god!好緊張呀！全日去廁所時都有留意m小姐會否到來……答案是，沒有!

7月4日，day27 dueday, 放工回家，決定不再等了，醜婦終需見家翁！先驗綠d，過了一會，有幻覺線呀，過多半小時再驗紅d，對！是深粗啊！！！

叫。糊。了。

老公一回來，我比綠d他看，又串我啦，邊度有線喎……一啲都不著緊，太冷淡了，嗚嗚…

吃完晚飯，再用"準快易"驗，它是可以經期是5天就可以檢測到結果，如果它都是呈陽性反應，機會真的好大呢！而結果顯示，2條線，"BINGO!!!!!"

但我跟大家說，因為我是dueday當天驗但綠d結果比發現龍寶寶時淺色很多，而上cycle化學了確實令我有憂慮和保守…我還是有很多的不安呀！

Cycle 5

第5個cycle喇，亦即是最後一次機會能否懷有馬寶寶……

今個月，好積極睇中醫，而且轉了中醫，因為就在我家樓下，很方便！之前嗰間比較遠，無啦啦開單claim錢要我一等再等，煩死人~

新的中醫說我的身體ok, 而且都多主動說話，例如講下佢自己嘅見解，下一步開咩藥有咩功效等。他說先調理一個月，下個月才開始努力。當然，我都不會就這樣錯過最後一個能追馬寶寶的機會吧！

中醫千叮萬囑，說男方不要喝啤酒，因為當中的山葵成份很傷精的！大家可能要注意一下！

今個cycle紅d表現都好正常，在day 16,17就出現了。不過分泌就不明顯…

在day17, 18交了功課，中間日子亦好努力飲中藥調理~

按理推算，due day 會是day31，和中醫的target好吻合，他想縮短我的週期…

到了dueday前3日，驗了綠d沒結果，真失望呢…而dueday當天亦有血絲，十分準時喎…

怪事就發生了，m小姐突然失蹤，本來有些少跡象會來，卻一直沒來。體溫持續高企，有谷m feel，再驗亦沒有懷孕，就是不來，心情壞到極了！真係超忟呀，又谷又不時有少少血絲…天呀！唔中就快點來，等我早啲再開工嘛！

到了day35還未來，見有些少分泌驗了紅d,又咁深嘅！？莫非像上一次龍寶寶一樣遲排卵？但係day16,17確是出現了深粗喎，和上次情況唔同，而且已經進入高溫區理應已排卵……十分之混亂呀！

第二天，再驗紅d仲深了，差不多80%喇，和blog友仔相量後決定買捧捧再驗……

固意少飲水來驗，發現驗孕捧有淺線，omg，發生什麼事？遲了咁多天才有淺線？真的嗎？如果有，bb健康嗎？唉…變了另一種擔心呢！

好緊張呀！

之後決定再買另一個牌子，show出來是pregnant1 ~2。不過我並沒有開心，反之是擔心呢…因為實在不正常了。直覺這是化學性懷孕~

就在第二天，m小姐真的一滴滴快快來了，體溫微跌，綠d稍微深了一點…層有一絲希望的，會否是作小產而已。但到了m小姐的第三天，體溫急跌，我相信這次是完全沒有機了。心情反之更輕鬆，可為下一次機會努力前進…

Cycle 4

原來我cycle 4嘅紅d未影相就掉咗，仲以為自己已經影咗……

還記得，day17早上紅d70%深粗，時間上好吻合吖。之但係中午及下午再驗時只得番淺線…玩嘢咩！

同blog友仔傾過都係照dodo啦，有做功課就有機會pass。

當晚回家再驗又有返50%深，頂吖！

同老公傾一傾，決定駁一舖，等多日。如是者，第二天day18有深粗啦，真古怪呀！當晚做功課喇~~~

Day19到下午仲係好深，趁龍寶寶午睡加把勁先！到了晚上仍然深粗呀，已經有36小時喇。不過冇再交功課了！

雖然，係排卵日已經有交功課，可惜馬寶寶未肯與我相與，5月4日M小姐嚟咗啦，還有最後一個機會，努力努力！

Cycle 3

Cycle2古古怪怪，嚟番個正常M, day7完，即時有番信心~

呢個cycle想試下唔睇中醫，自己努力試試！！！

今次策略係，完M後同老公清清舊貨先，之後就儲彈藥，加大第一炮嘅威力。喺day16, 終於有反應喇，到當晚11點都係深粗，已經持續了14小時，而精子游到輸卵管約12小時，到達時即係深粗已經26小時，有機會喺大家仍最新鮮時相遇！Yes！！！

到了day17, 晚上十點半仍然係深，決定再交一次功課，加啲新力軍。然而，到了days18先開始轉淺……再嚟多round！

而結果係，3月31日M小姐來了！Oh my God~~~

按平常3xdays/cycle，仍有兩個機會追馬寶寶，Good Lucky囉！

Cycle 2

太耐冇update，並唔係因為中咗……而係手機嘅SD card傻咗要修理，啲相全放在電腦，冇相喺手機先遲遲未update，hehe(>_<)

Cycle1唔中。可能太懶啦，do咗一次，想學下人，會唔會咁叻，一擊即中嘛，唔中，唯有勤力啲囉~

Cycle2比平時短，5days已經乾乾淨淨，確係怪，平時6days已經要讚叻叻，今次5days真係好短……

一如我料，day7就多分泌，怪呢？！一驗之下都算深粗，不過老公未能配合，冇交功課………不過我都冇免強，因為覺得如果day7真係準備排卵，即係話我呢個周期約20日左右，實在太短，就算do咗受咗精，子宮環境唔好難著床，所以9成9唔會成功。唉…天呀，上次龍寶寶又係咁今次馬寶寶又咁…冇時間架喇！

之後我都keep住有驗紅d，不過一路都係淺線冇加深即跡象，而且冇咩排卵分泌…如是者，day20 M小姐來探我了，哼！

Cycle 1

終於正式開工喇！

由1月數起，要成功陀到馬B只有4次機會，即4月那個cycle還未能bingo的話，就不是馬寶寶喇~

今次紅d情況很好，有100%深粗！

1月22日已經好深了，同晚11:30仍是深粗，已經足足持續了12小時。推斷明天會排卵，所以決定當晚dodo，希望精子能預上最新鮮的卵子而加大受精能力。

結果:

終於到了排卵後第十天，已經不能再等，拿了紅d出來探路 ~ 淺線。

如是者，第十一，十二天都是淺線。根據上次的經驗，第十二天已經略深的了，而m小姐亦如期拜訪，下回再努力^^

超簡易杏仁條

上網學了一個超簡單的杏仁條。

因為最複雜的酥皮是買現成的，普通的超巿都有，十分之方便。

其他材料是，砂糖，蛋白，糖霜和杏仁片(呢兩款可以在蛋糕材料店買到)。

只需準備很少的材料~

焗爐必須要預先預熱，約180度~

焗10mins左右，要自己執生啊!

焗了5mins都沒起息，確實有些擔心，好在在6mins後開始脹起了，很過癮~

熱辣辣真的很好吃~

小貼士:

1。要用叉少許窿在吉酥皮上，但只需4，5下便可不用過多窿否則會焗不起的

2。如果酥皮放室溫太耐亦會焗不起的，可放回雪櫃雪一會才拿去焗

http://candice-kitchen.blogspot.hk/2014/01/10.html?m=1

由於食譜不是我原創，我都不好意思太過扮嘢，請看以上link為原創者，內裡還有很多不同的食譜架^^

新的一年~

2013年真的過得很快，很多事都好似近排發生的。但其實可能是上年或年頭的事…

來到2013年最後一日，在工作上竟然要勞氣收場，事隔咁多日氣仍難下！

另一可悲的事，公司連一小時早收都沒有。唉…人家還要回家煮大餐呢……

一回家，上馬開turbo洗洗切切，好趕好趕。最後成9點多才可開餐，老公還問我是否要煮到倒數→_→

我家龍寶寶好嘗面，每見我拿一碟餸出來都又大又長的“嘩~~~~”，真是很可愛呢^^

新一年，希望事事順利，我關心的人乒部都身體健康！！！