上次龍寶寶由婆婆家搬番自己屋企都攪咗我好幾日……而家又要一家三口再搬~
早喺5月中, 業主已經通知完約後要賣樓, confirm咗9月頭要交樓。7月底搬回家後就去睇樓, 住開附近嘅盤少到得番幾個….我地都是但, 睇咗兩間就決定了~~
終於8月4日攞咗鎖匙, 就開始了螞蟻搬屋, 因為實在太近, 搵搬屋公司洗幾千蚊實在太唔抵, 而家新舊屋嘅租約都重疊咗大半個月, 有足夠嘅時間比我地慢慢搬, 慳番啲搬屋公司錢嚟抵番個屋租嘛!
8月5日將龍寶寶交比嫲嫲湊, 我同老公就去大清潔! 攪咗一個下午, 好倦! 收工!
8月12日同19日折咗兩個衣櫃, 攞咗啲冬天衫, 唔用嘅雜物, 仲搬咗個鞋櫃添過去先。原來比我想像中多好多嘢……..按計劃, 應該26日開始喺新屋住了!
不過而家啲租真係好貴, 新嘅屋實用面積仲細少少, 間格又有少少怪, 張摺枱都冇位擺….唉! 住落習慣咗應該冇問題嘅….唯一好處係, 新屋再近少少奶奶家, 快一分鐘左右, 哈哈~
8月26日如期搬搬搬, 大槪12:00p.m.開始, 到6:00p.m.搬晒所有嘢過去, 辛苦晒老爺, 細佬同弟婦幫忙!
而家仲好好多雜誌亂咁塞, 仲未重新歸位! 又要忙番一日半日啦~
新屋我同龍寶寶都瞓得唔錯, 反而老公就話瞓得冇咁好, 真係估佢唔到呀!
WA.. 1分鐘就到99家..VERY GOOD LA...
回覆刪除[版主回覆09/18/2012 18:23:47]有啲距離但又近，癈鬼事成日走過嚟
搵得番附近已經算唔錯啦:)
回覆刪除[版主回覆09/20/2012 10:03:12]好多都係放售，好少租盤~
搬屋真係好煩，勁多野搞！
回覆刪除[版主回覆09/20/2012 10:04:40]執嘢都算！最怕係要同間屋大清潔！
湊住bb，再要搬屋，真係好忙，辛苦la~
回覆刪除[版主回覆09/24/2012 14:12:06]而家個廚房仲好亂，啲嘢hea咗係度
中秋節快樂! 今年你屋企更團圓:D
回覆刪除[版主回覆10/08/2012 12:19:37]而家日日忙到屎，咩節日都係咁~~
湊仔已經好忙, 仲要 ko 呢個搬屋大行動 ~ 好勁啊!!!
回覆刪除[版主回覆10/10/2012 10:46:10]好在我唔係一日清晒，否則死梗！
我最怕搬屋......因為會發覺自己好多野唔知要唔要 好....
回覆刪除[版主回覆10/12/2012 06:45:14]好彩我們今次近又有時間比我可以慢慢執。其實我有好多垃圾係娘家，所以唔洗分啲嘢要唔要，hehe