**好耐冇update喇, 呢排真係好忙呀!!!!**
2012年8月1日 (三)
今日原本係我返工嘅日子, 但因為要同龍寶寶覆診, 所以請多一日假陪下我個愛女啦~~
約咗11:00a.m先去照超聲波, 同日下午睇兒科骨科。因為怕攪成日, 所以約咗公公喺醫院集合。
大家都好準時, 11點前到達, 登記之後就坐低等下啦, 原來好多小BB都係有同一個髋關節問題呀….真係唔講唔知喎~~好快脆就到我地啦, 龍寶寶都算乖, 雖然都有喊, 但都係細細聲, 仲斟咗杯茶比醫生添, 呵呵~~
醫生話右邊都有鬆, 今次照就正常番 (但上次照都冇話右腳有事….) / 左腳就話甩胶添….咁誇?! (上次明明只係話有啲鬆架?!) 一路上都唔係咁講個喎!
都未夠12點都攪點喇, 我地先回沙田娘家, 食個午飯, 餵奶同泵奶。時間啱啱好, 3點前又要出發到醫院!
骨科約咗3:30p.m., 經過上兩次嘅經驗, 要等差不多兩小時, OMG!!! 正當我地想眠一眠時, 竟然聽到龍寶寶個名喎, 仲以為聽錯或者同名呀, 望下個鐘, 只係3:25p.m.咋, 都未夠鐘就到?! 有冇咁快呀~~~
入到去見醫生, 好緊張呀! 會唔會有好消息呢?!
醫生print番份超聲波report出嚟, 數據顯示, 左右腳都好好, 兩隻腳受壓後都over52%, 只要over50%就叫正常。醫生話冇問題架喇, 可以唔洗再著呢套”蛙式支架”, 我同爸爸都好開心呀!!!!!!
因為只係著咗7星期, 物理治療師話, 根據以往紀錄, 未見過著少過三個月, 上次覆診聽到有個BB著咗兩個半月已經開心到飛起, 我都只係希望能著少一日得一日, 完全冇諗過7星期就可以重生, 實在太好了, YEAH!!!~~~~
醫生都好好, 約咗11月再同龍寶寶照多次超聲波, 約埋期, 攪晒所有嘢都係4點咋, 好快呀!!!
係咪以前個年代照唔出呢D野? 點解以前無聽過出世BB咁多呢D問題=__="
回覆刪除[Hitomi回覆09/01/2012 20:55:04]果然古法對小朋友係好d !!
我其實好好好間中見到有人用類似"咩"帶的東東帶bb而唔用BB車
[版主回覆08/29/2012 21:50:50]因為以前嘅人, 好多時都長時間"咩"住BB, 嗰啲舊式"咩"帶, 其實同而家嘅支架功能一樣架~~而家我地點會用嗰種咩帶吖, 亦都唔會長時間咩住, 所以問題就多咗!
真開心呀，希望BB健健康康呀
回覆刪除[版主回覆09/06/2012 00:07:31]健康真係最緊要，大家都要健健康康呀！
係咪仲要約期返去照?? 會唔會考慮比囡囡再載耐少少, .....有時除下有時載下比佢習慣下??
回覆刪除[版主回覆09/20/2012 13:39:51]11月再番去照多次。原先都有呢個想法著耐啲，但醫生又話冇事著嚟做乜，咁就安心聽醫生講唔著囉~