中咗副流感

話說星期五朝早已有好輕微的咳、放學後就不停咳，咳唔停😷！

比佢食番平時食開嘅感冒成藥，但一連三日到星期日都冇好轉（中間轉過藥），食咗藥都不停咳！咳！咳！鼻水長流🤧，keep住有啲燒🤒，最高上到39.X，幸好精神好好，肯玩肯食！

去到星期日晚準備上床瞓覺，一路咳唔停仲咳到想嘔，精神一下子又變差了，1516去睇急症？夜診？還是明早去睇家庭醫生⋯⋯🤷🏼‍♀️

最後都決定去睇急症（因為啲夜診醫生實在太流），一出廳條友又鬼打咁精神，真係唔多想去，不過最後都去咗！

去到博愛醫院已12:20am，得一個醫生睇症，進度好慢好慢🐌，最後要3:xx先到我地👩🏻‍⚕️，等了3小時，照肺X-ray超勁快，唔洗等就有得照、又過了一小時再見醫生話肺有花係肺炎🤦🏼‍♀️，話要過屯門醫院兒科留院🏨，又再等⋯⋯⋯到了5:30先上白車🚑去到都6:00了。去到屯醫就好快上病房了，一路都唔洗等，我見姑娘另一位姐姐帶羊咩咩上病床換衫做準備⋯⋯好快都有後生女醫生做檢查話肺冇雜聲唔似係肺炎🙄，唔夠一陣又另一位醫生話聽到有聲係肺炎🤦🏼‍♀️🤦🏼‍♀️

7:00派早餐，食粥🥣，之後又一輪醫生巡房時間話肺炎打枝針先💉，仲要去抽鼻液、胃液同血🌡做種菌同化驗，轉個頭就被帶走了，返嚟喊到死死下🤣⋯⋯

好彩佢一路都好精神，心定好多！

醫生巡晒房，我決定極速飛㚏回家收拾收拾，來回個多小時，真係好快架喇！其間醫院打咗兩次電話☎️來，仲比電話📞同羊咩咩傾兩句添，媽媽已經好快架喇🏃🏼‍♀️💨💨💨，快到喺樓梯到仆一仆添🤪😳🙄。返到病房走廊都未轉彎已經聽到喊聲，眼淚臭涕成面都係，成塊面都濕晒😅，仲已經打咗針💉、同種咗豆豆！（唔怪喊到咁慘😅）

估唔到佢好乖冇攪過粒豆又冇話要拆走，好叻仔😘

入咗隔離病房，所有人都嚴陣以待！醫護人員嘅即刻裝備每天用量極高，好唔環保但又有咩方法呢？！

你睇下佢個得戚樣🤨

瞓得好冧😴！呢條友仔真係好乖，冇嘈要走、冇扭落地、好乖留係病床、仲瞓咗兩場晏覺👍🏼

好好彩，留咗一晚院就比出院回家🏠，再留多晚我真係好難頂（隔離床個妹妹已經留院三晚了，準備第四晚，仲未搵到源頭），我又掛住家姐又擔心老公攪唔掂（佢返工已經好倦了）。

臨出院有埋報告確診 —— 副流感！

一直對屯醫有偏見，因為一路都有好多不利消息傳出，但經過今次留院完全改觀，上至高級醫生下至姐姐每位都有禮有耐性，又會氹小朋友。治療step絕對冇hea做👍🏼👍🏼👍🏼。

而且政府醫院收費真係好平，咁樣兩日一夜只需$60，仲包6日抗生素，普通私家門診咁樣已經要$300+。不過急症$180都幾費同埋真係等得太耐😪

兩位小主們，麻煩你們要健健康康呀🎏

❄️🌨☃️ 北海道準備 （6）

報咗團，即刻去shopping 囉， 淘寶gogogo💨💨💨

（淘寶係大陸最偉大的發明，呢個金句應該大家都聽唔少同埋唔會有人反對😌）馬上分享一下戰利品先😁：

1）羊咩咩的滑雪服：

顏色係羊咩咩自己㨂嘅。有佢好鍾意嘅橙色，好colorful，¥60，運費¥10

入面係絨布又有防風裙，兩邊有小暗格可放酒店卡片或父母的聯絡方法，十分滿意。

兩位小主的滑雪服已有，不用再買，而且今次個團只有約1hr的雪上電單車活動，沒太多時間比你慢慢玩❄️，所以我都未必帶套滑雪服去了。而買這件外套比羊咩咩用意著喺羽絨外防風防水，因為他那套滑雪服是㚒乸衣不能分拆來著，另外1、2月的北海道是最凍的，如果落雪或好大風嘅，呢類型的外套是不可缺的！

2）買咗五指兒童防水手襪玩雪用：

羊咩咩手太細，帶五指好困難😅

Frozen ~ ¥20 （店主做優惠，一對包郵之餘仲減¥10，抵到爛）

🍄 ~  ¥28 (搵咗好耐，呢對應該算是最細size的五指手套）

3）仲淘咗對手襪比爸爸用，各方面都好滿意 ¥40

4）仲買咗幾對羊毛襪，三對大人四對兒童，共¥80

羊毛襪比較保暖透氣，著咗雪靴焗到出汗都唔會濕晒係入面，如果著普通棉襪出咗汗，係會up住唔會乾，這些都係賣戶外用品的sales、淘寶客服和一些買家留言所講的，係唔係真就要試過之知😝

5）仲有睇咗好耐，好認真咁選擇嘅雪靴：

¥78@， 同款不同色。鞋預大了1.5cm, 因為兩姐弟都係小肉腳，而且預留空間著厚身少少嘅羊毛襪。

龍寶寶試著後就話好舒服，連襪著了一陣就話好熱。我眼見實物都好滿意，而且唔太重；還有條脷係連著鞋身，可確保雪唔會溜入鞋內。呢對雪靴預佢地著足六日，所以防水保暖及舒適度三方面都好重要。但為了穩陣都會帶多對波鞋替換。

6）兩個小朋友之前一路都穿著Morley羊毛內衣，係幾暖但透氣度就唔太高：

去了戶外運動用品舖買了一些新科技保暖內衣，呢個型號是厚手，保暖度較高。店員教路，先著呢件保暖內衣 ➡️ 面衫 ➡️ 羽絨 ➡️ 防風防水的外衣就足夠架喇！

我自己就買了一件中厚手的保暖內衣（上次去東京滑雪場，因兩小主扭眼瞓太混亂遺留了），比厚手沖薄一點點，加埋Woolrich Parka 應該好足夠了， 期待🤟🏼

7）還買了保暖褲：

褲買了中厚手，稍微薄一點，到時會同佢地穿兩條褲🌬🌬🌬圖片價錢為公價，運動店會員有85折🤑🤑🤑

8）最後還欠爸爸的🕶，那就一齊辦妥了

**旅程完結後會遂一同大家分享所有物資功效如何，始終我都是新手，不知會否太誇張或準備是否足夠**

❄️🌨☃️北海道準備（5）

成事喇🤟🏼

🎉🎉啱啱報咗個六日北海道團🌨，跟EGL, 淨團費$9699🎉🎉

六日嘅景點大至如下：

～北海道道東、十勝、阿寒湖、層雲峽、旭岳、小樽、札幌6天團～

蝦夷民族商店街、摩周湖靚景、屈斜路天鵝湖、零下41度冰雪趣緻館(天使魚及暢玩毛巾)、 
旭川雪之藝術結晶館、密室逃脫之網走監獄得意博物館、小樽運河、白之戀人朱古力趣緻城、狸小路商店街自由購物、OUTLET開心購物

（懶媽直接跟EGL預訂埋wifi蛋，$1500按金，$60@day，直接和領隊交收，超方便）

📌滿足了玩五日以上

📌一月去北海道，絕對夠晒玩雪整⛄️的時間

📌要美食有美食🥩🍣🦀、要shopping 有shopping💄👠👜

📌仲有冰❄️火🔥交融，我指浸♨️時上水落水時的感覺

一月頭出發，真係未出發先興奮！希望到時兩位小主生生性性，唔好再好似上次去東京咁成日扭計囉🙏🏼

繡/霧眉 + 脫疣

其實呢一項都唔知應唔應該放喺「Happy Beauty」內, 因為真係好很痛，一啲都唔happy😢😢😢

對上次整大約係10個月前，其中一條眉比較淺色，可能當時實在太痛，不停嘈嘈嘈，美容師都怕咗我⋯⋯

今次再嚟過，換咗舒緩膏，頭1/5時間係冇問題，唔痛的，但之後就越來越痛😫😫😫，不過我都死忍、死頂！

攪咗大半個鐘攪掂，又繡又霧，今次補色收半價$750

**真係好X痛😖😖😖**

美容師仲話我額頭有好多粒疣😭，一直都以為係暗粒、走粒。其實由陀羊咩咩時已經開始起，一路都認為皮膚個底差先會咁，原來係疣😫。電嘅過程有啲刺痛，仲有少少燶味，希望過兩日甩焦後可以正常面容見人啦😒。呢度電咗$400。價錢就好抵👻

繡眉脫疣後兩個多星期⋯⋯眉嘅顏色我覺得深了一點及欠了一點層次，同埋整個過程真係幾痛下，所以下一次再整都會去第二間試下😢

洗冷氣機 @ AIRESTEC

話說有一晚冷氣機超勁大陣霉味（其實久不久都會發生），是新買的用了約兩年；但都用得好密下，午覺和晚間一直到朝早8點左右，而且都差不多開足成年咁滯。咁我都有定期清洗隔塵網同用一些免沖水的清潔劑。但久不久就會傳出陣陣霉味⋯⋯有霉味都唔洗解釋一定係部機污糟先會咁啦！😖

於是，我就決定的起心肝找師父洗冷氣機，問了兩位師父，一係就勁遲覆（$600@，可能我話洗一部唔願so我）；另一位師父直頭冇回音😓。

記得之前上網和電視有介紹過一間AIRESTEC，佢比坊間洗冷氣貴$300@，洗一部$950（需另加$300服務費），洗四部就9定95折；另外，清洗完喺佢地嘅fb sharing番就total減$200。咁我決定洗住兩部先，因為都未試過洗，老公又牙痛咁聲⋯⋯

十月開始係洗冷氣機嘅淡季、好好彩我第二日就有期，可以快快脆攪掂陣霉味，話晒我兩個寶貝成日用架嘛！

開門見到兩位好年輕的師父，廿幾歲仔。好快手分工合作，有問有答，我同兩個細路成日穿插阻住晒都冇面路不悅😝

呢部舊機用了超過10年，咁多年來都只係用過免沖洗清潔劑噴下洗下，當中的灰塵已變成硬片（不過就未試過發出霉味）⋯⋯如果今次唔洗，我諗我下年都會換咗佢。不過師父話佢只有少少漏雪種，其他都好正常，比多次機會你啦😬

**順帶一提，AIEESTEC只係清潔，其他維修如加雪種係唔做嘅**

一位師父收起機殼入廁所沖洗，另一位就馬上開工！

師父會伸手入機內抺乾淨，再吸洗機葉！

一路吸已經即時見到效果，見番晒銀包金屬色，心情都即刻開心番！😃😃😃

另一部新機，機齡只係2歲，師父都話勁污糟！（相中已經抺走咗大部份灰塵）就係呢部經常發出霉味，日日吸細菌落肚，好惡心又可怕😖😫😖

一路吸一路爽丫丫的感覺😁😁😁，今晚有覺好瞓囉🤘🏻🤘🏻🤘🏻

好快就攪掂，最後噴埋保護膜及塗層抗菌防霉就攪掂啦！

洗兩部窗口式大約都係個寧鐘，真係好快，而且師父都執得好仔細，我都係吸一吸塵就當清潔完。

我會密切留意一下，是否真的可以keep到一年冇霉味🤘🏻

（師父就話，用咗佢地嘅抗菌防霉嘅塗層可以唔洗閂機前改凍風吹乾機內嘅水份，但如果有咁做，抗菌防霉嘅功效就可以long lasting 一啲，咁我都盡量閂機前做多一個步驟去減底我喺呢方面嘅開支）

最後，我個人覺得不論你搵哪間公司都好、但真的要定期清洗冷氣機囉。

小一大抽獎，驚驚😖😖😖

來到5、6月份，又到參觀小學的peak season! 即是不停提著各K2家長，下年輪到你了。剛過的星期六正是大抽獎的結果日，未到我已十分忐忑，下年我一定腳都軟😖😖😖

家住元朗74區 --- 死亡之區。74區是跨區校網，每間學校要預留學位給跨區學童，亦因為學位不足需向天水圍72區借學位。

一路相傳如74區的派不到第一志願，那你便直插將派到天水圍的⋯⋯而天水圍真的好大，如不幸要到天水圍上學每天來回的時間至少需要一個半小時呢😪，而最大的問題是，向72區借的學校全都是二、三線的小學，真是火上加油啊😫😫😫（同埋天水圍二、三線的小學係勁多單、雙非囉😑）

而我心儀的小學就在家的附近，步行十分鐘左右就到（看！來回都不用30分鐘，你話係咪唔想到天水圍返學吖？！）而且它是千禧學舍，又新又大，著重學術課外活動亦多，升中派位都唔錯。就咁簡單片面講一講好像是超完美的學校😂😂😂

左擔心右埋怨，不如的起心肝做好準備吧。（之前還口響響話唔會谷個女😅）

在K2開課不久後，就安排她上英文班，沒有上網深究哪一間好，只選了一間在家樓下的。免費評估後同Miss傾談時聽到她的發音都好正宗，不是外籍老師對我不懂英文的家長來說比較易溝通有助龍寶寶的進度。沒多想就決定join咗先，點都要補一補英文架喇😜

一開始，頭幾堂她的表現確是不錯，但三分鐘熱度之後龍寶寶變得好心散，加上她本身帶天然呆的性子，常雲遊太空，真是令人擔心，而且一堂學費是$200+，請比心機上堂吧💪🏼，好嗎？

近來買了數本小一習作給她，頭一星期係威係勢，主動叫做習作，好似好勁😂😅希望她可以長久作戰，為叩門做足準備💪🏼

變態亞媽就是這樣練成的😈😈😈

但變態媽媽都有自己的功課架，多留意一些叩門貼士、熟讀心儀學校的所有資訊及細節，還要到天水圍參觀小學呢😪

龍寶寶，希望幸運之神眷顧你🍀

龍寶寶公主

話說呢⋯⋯我就唔好迪士尼卡通人物，想當年仲話過唔會買公主裙比自己嘅囡囡添🤣

跟大家快load呢兩年龍寶寶之迪士尼生活😬😬😬

第一次入園

第二次入園，已靜俏俏換上印有Elsa / Anna的公主裙了😬

變身～～～

老翻藍色Elsa look❄️

Elsa 夏季look

有時都會便服公主look嘅😌

有Elsa當然會有Anna 啦

Cinderella ~~~

正品Elsa let it go~~~

終於等到凍，襯番件冰雪褸先， hohoho

Aurora😬😬😬

Bell。

這是最後一套我買比她的公主裙 --- 人魚公主。由於我都覺得條裙太靚，忍唔住配多個👑比佢。

終於等到天氣熱了，可以穿上，在迪士尼裡，看到很多小朋友望實她，回頭率實在太高，🌞下照出裙子閃閃發光，靚到不得了😍😍😍

Zuanzhuan鑽轉 3X

好嘢！終於都買了Zuanzhuan鑽轉，一直都想買。見人用真係好簡單，好容易同埋好快就完成。

因為我啲頭髮實在太多又粗，所以好多時都會剪到好薄好碎。傳統嗰種用手繞的夾髮器以我咁多頭髮又粗又碎真係好難夾，夾好耐都未夾完。或者夾唔攣又要再夾過，真係夾到手破都未夾到1/4個頭😫😫😫

之前餵人奶啦、身型肥腫、產後脫髮等因素都令自己唔太想打扮！所以遲遲都未買，而家羊咩咩兩歲了真是輕鬆了不少😌

BK有人講Hair Corner都有鑽轉買同都平個喎！

舊款鑽轉19和32mm都只買$780@咋！

左諗右諗下決定買最新的3X（可順逆時針）。買咗呢套$980另送一枝洗頭水，雖另加$68運費（順豐送貨上門）

鑽轉的特點同功能就唔多講喇，上網一check 都有好多資料！

等咗兩日收貨囉👏🏼👏🏼👏🏼

送了一枝洗頭水。Remark了要求想要一枝適合受損髮質使用但送來的是for油性，有少少失望😆

有4個溫度，最後我㨂了第三格，因為摸上手都覺得幾熱！

夾前

夾後

用後感：係好方便嘅尤其是我呢類好多頭髮又粗喎，而傳統嗰種要自己捲入去，成日辣到手；一係就捲完都冇反應要再捲過，隻手舉到好倦痺晒！

但而家都要實習、用多啲先上手😁。頭一次全頭夾晒髮尾內彎大約只需15分鐘，遲下熟手啲、頭髮再長啲應該會更快😝。