產檢 @ 30weeks5days

2015-1-9

又來到每月一次超聲波睇見下細佬b喇😃！

今次都係排第二，等了大半個鐘！

冇咩問就上床照照！頭好fit、肚腩仔大了2w、腳長了1w左右。

黃濤醫生怕淨係肚腩仔大係因為我有糖尿，因為我今次偷懶冇去做飲糖水測試。醫生覺得如果不是有糖尿就可能細佬真係太肥媽媽我要減吃（其實真係唔算食得多）

所以，我在2星期後到健康院檢查時跟姑娘說肚腩仔大了2w是否需要做糖水測試！姑娘先安排我見醫生但其實細佬只係剛剛算是大隻仔，但都叫我返威院做跟進！

如是者，威院安排我做了一次糖水測試並及格的！

那就當沒事發生，靜待細佬的來臨😊

產檢 @ 25weeks5days

2014-12-5

又到每月一次去見羊咩咩喇^^

今日25w5d剛好有2lbs, 各方都好正常好meet standard! 每次主要都是照下臍帶有無乖啦，量一下頭圍、肚圍和腿長是否達標！

一個人去產檢無咩問題特別要問醫生，前後都不知有沒有10mins就見完醫生了，埋單$600！

結構 @ 19weeks5days

2014-10-24

話說今次威院無期比我做結構性檢查，簡直是晴天pigpig呀，嗚嗚～～～

（但是否全面停又不是，上bk看到一段時間有一段時間無期做結構，真的看彩數呢！）

無期都無法，唯有上bk八下邊位醫生靠得住啦！一般都好多人介紹要找番有修讀過母胎學的醫生來照結構較好一點！最多人講的有林勇行及王紹宏醫生！

而我最後㨂選了王醫生，並約了19w5d做檢查！到了診所一如網上傳聞一樣，好多內地人，驚驚⋯⋯

Book了一早的第一個booking, 等了一會就入得喇！

王醫生做超聲波檢查的椅子好攪笑，真的是椅子來，坐好後姑娘會用搖控控制半趟姿勢，不像其他的醫生用床平瞓～

其實整個過程都好快，而且醫生會主動轉用4D照下個樣！好似爸爸呀！

照下五官，如眼珠、耳仔、鼻骨、嘴巴、器官（心肝腎等）、性別、手指腳趾。過程好快，最後照了約15mins就完成了。一套結構檢查有報告、4D/2D相片同一隻DVD，費用約$1700