Kuromi的生活日誌: 8月 2013

2013年8月26日星期一

Pink Pink Pink

由於要全屋裝修, 我好希望廚房整一個嵌入式的平面煮食爐, 一來夠型, 二來係好方便清潔嘛, hehe! 因為我成日炒到啲嘢跌出鑊....

我地會選用煤氣爐, 當然去番煤氣公司啦!

因為: 1) 有三年保養 2) 免安裝費 3) 免費上門做度尺檢查 4) 仲有免息分期添!

MODEL#: 密封爐頭嵌入式平面爐 / TGC TRTB62ST-G / $4680 (台灣製)

無意間比我發現有個粉紅色爐, 嘩嘩嘩!!! 好靚呀~~~

一路我都無特別大愛色....但唔知點解一見呢個粉紅色爐就好like, 好鍾意... 於是急不及待去咗門市看其真身, 實物顏色堅靚架, 好soft唔娘!

忽發其想, 我好想要個pink kitchen呀!!!!!!老公亦冇say NO~ 我仲變態到想pink 廚櫃, pink 枱面配 pink 煤氣爐! (會唔會好恐怖呢?!)

但世事點會咁完美呢...

到門市了解過後, 發現呢款"密封式"爐, 只有座枱式的8成火力.....心想: "唔得喎, 咁細火 (crying)

! "

唉....嗚嗚......

呢款還有粉藍, 淺蘋果綠和較常見的白色, 同樣吸引!

MODEL#: 超勁火嵌入式平面爐 / TGC TNJB72UT-C / $5980 (日本製)

煤氣公司介紹另一款, 得一個色 --- 黑色!

最大路最常見的顏色, 黑色都好型嘅... (cool)

因為設計上, 頂部銀色位係吸風位, 因為有了這個風口功能, 可以加大火力, 對比起座枱式爐有9成8嘅火力! 所以能做到"超勁火"~

確實係不能夠為咗個色而揀個火力不足的爐嘅...我知道我明白的!

上網search "pink kitchen", 有好多相可作參考喎.....

FULL pink效果真係唔錯噃~ (tongue)

原先我想打算pink 廚櫃, 白色枱面....咁樣冇咁pink! 我怕太pink會好恐怖嘛...

由於煤氣爐是黑色陶瓷玻璃 + 銀色鋁合金框架, 雪櫃和焗爐都是銀色, 所以我在想pink 廚櫃 + 淺灰枱面, 這樣就能較純一顏色! 至於牆身打算舖白底灰雲石紋, 淺色磚舖地。洗滌區和爐頭的牆考慮全部做不锈鋼較容易清潔!

我覺得上高這個圖不論顏色, 配搭都好接近我的概念, 希望我爸媽不會band我啦 (day dreaming)

(他們比我還奄尖呢...)

2013年8月20日星期二

得咗!

話說之前同龍寶寶參加咗美國利全舉辦嘅"利全BB招募計劃2013"終於有結果喇!!!

好好彩, 龍寶寶被選中為頭三名, 可以成為其中一位利全BB, 仲撞正今期最HIT機師LOOK, smart唔smart先???!!!

媽媽我可以扮嘢一下, 學人做星媽, (cool)

12位入圍小朋友仲可以得到個人相集一本, 好靚呀!!!!!

20130801_121720

相片全部係當日拍攝的相片, 一人一本留個念!

相關網誌:

初嘗童星滋味...

2013年8月14日星期三

可以做個索媽, 嗎?

最近又沈迷於BLOG的世界! 尋blog, 煲blog, 寫blog...我都要努力一下, 希望我個blog唔會荒廢啦 (自我給力!!!)

今日有幸掛8號仔, 當然唔好浪費咁美好的一個假期啦 (tongue)

!

其實未生bb前一直都有出去做facial架, 之但係, 每次都有hard feeling, 真係心灰急冷囉 (crying)

~ 嗱! hard sell就唔洗多講, 大細公司都一樣, sale到你煩, 好討厭 x 10000000000000000 (angry)

細嘅美容院, 永遠都係試做和差不多完package才出真功夫同你做treatment! 但當你比錢後, 就只會hea住同你做, 間間都係咁嘅! (thumbs down)

再加上呢幾年香港租金實在太貴了, 我好怕啲美容院仔頂唔住租金執咗我就血本無歸啦!

不過而家好好彩, 科技發達, 美顏機大熱, 部部都好多功效, 效果又唔錯! 攪到我都心思思....在家美顏就唔怕比人sale嘛~~~而且湊住BB真係無太多時間外出做兩小時的facial呢....

香港最多人用應該係HITACHI - HadaCRIE啦, 由#N820 - 導出導入, 好快又去到CN-1000 - 多咗個冷功能, 收毛孔~~到暫時最新的CN-2000 - 再多個熱功能, 有助
導出!!! 我都好想要呀! CN-2000找代購價錢不定, 約HK$22XX, 都唔平架。

同媽媽會的媽媽一傾呢個話題, 真係個個都滔滔不絕!!!

最勁的是, 連RF家用射頻機都有, 確係堅~~~用家媽媽話堅有用的...不過暫時唔敢入住, 無錢呀! 同埋一定比人鬧屎....

團購價最平見過為HK$1888

講講下....原來, 日本最多人用的唔係HITACHI - HadaCRIE。只有強國人同香港人先like, 真係唔講唔知~ 咁受港人歡迎嘅Hada機, 只係排第6位咋....

而最多日本人用的係咩機呢??!! 第一位的代購公司冇乜介紹。但朋友和好多代購公司都有介紹第二位的YA-MAN機- HSI-11, 間間都用"神級美顏機"來形容~

佢嘅功能同Hada機嘅CN-2000差唔多! 但YA-MAN就少咗個冷功能, 熱功能都有, 另外多咗個eye care, 可以去眼圈同去皺架 (love struck)

~~~

大家見唔見到個三角位呀? 除咗用嚟做眼外, 導出導入時, 呢個三角位可以好體貼地照顧埋鼻翼同眼底位置, 比起其他機的圓形接觸面更全面! GOOD呀!!!

而呢部被認為"神級美顏機"白色機身價錢約HK$14XX左右, 可能係MADE IN CHINA掛, 所以平過Hada機~~

上圖粉紅色機身 - HSI-12約HK$2000, 好靚呀! 其實所有功效同白色機完全一樣的, 只是顏色不同加上日本冇做特價, 因此價錢會比白色機貴架!

香港行貨可以去百老滙同fitboxx買, 無記錯價錢約HK$2000。

最後，我選擇了YA-MAN機試下。

上yahoo拍賣買水貨，撞正日本做特價, 成本平咗, 有間shop只需HKD1298。即時雙眼發光呀, yeah!!!!

而家一SET會有一支精華cream, 兩pack棉花, 棉花固定圈, 叉座, 火牛同一個靚靚手提袋! (香港行貨都一樣的)

用呢啲美顏機, 需注意不可用乳液或有酒精成份的skin care, 另外, 大肚婆都不可用架! (time out)