龍B新春小團拜@2013

2013年2月16日 (星期六)

我地6條Q又出現喇~~~唯一男丁 --- 大爺要回鄉探親未能出席, so miss him呀!!!

對上一次係去尖咀食buffet, 嗰時12月了, 又過了兩個月, 時間真快呢!!!

今次小團拜早成個月前已經book定大家, 尤其係金金子同小妤, 佢地啲schedule full到呢, 遲下可能要搵佢地秘書先可以book 佢地呀!

一去到, 嗱嗱聲放低啲龍B warm up下先!

同大家介紹下先:-

最前面嘅係小妤, 而家十個半月喇。花名係堅姐, 因為佢好堅呀, 三個月就識反身, 五個月識坐又做掌上壓, 而家爬得超快, 超叻女
中間嗰個係龍寶寶, 即係我個女, 叫潼潼。而家8個半月了, 佢份人好鬼懶, 所以都係呢個月才坐得比較穏, 仲未識爬....
最遠嗰個係主人家婷婷。婷婷大潼潼一星期, 已經夠9個月了。佢好乖女, 食奶好叻叻!!! 又識坐係度自轉唔洗爬都可以去到自己想去嘅地方, 勁!!!

婷婷好攪笑, 瞓喺度霸番個主場先!!!

兩個傻豬!!!

正當兩個傻豬唔知自己做緊乜時, 堅姐自得其樂, 周圍搵嘢玩~~~

你睇, 堅姐琴梳化呀! 潼潼, 係咪好羨慕呢~~~ 咁你要郁多啲先得架嘛!!! 成日都咁懶唔得架, 知嘛?!

小妤同我幾friend!!!

撞正人日, 切個cake 慶祝下先~~~~

祝大家身體健康, 心想事成, 龍B們快高長大!!!!

蛇年到喇~~~~

呢個龍年真係充實到不得之了呀!!!!

咁快就蛇年了, 由於年廿九先由娘家搬回家, 放低行李就衝落街辦年貨買揮春....老公個亞叔仲預埋我地食飯, 又攪咗兩個鐘。

封咗兩封大利是比個寶貝女, 希望佢健健康康康, 永遠開開心心!!!

因為間屋嘅佈置實在太頹, 所以都唔post相喇...

大年初一, 邊度都冇去, 我仲係度執緊屋, 因為搬番嚟嘅行李實在冇位擺!



最後清咗兩大袋龍寶寶唔啱著嘅著, 等細佬嚟我家時, 搬回娘家放好, 好多都只係著了一兩次架咋!

你睇, 唔清衫都唔得, 一嚟舊嗰堆有好多都逼了, 二嚟又有人送新衫, 又一堆~

執好晒之後, 一家三口去行個大運~~~

傻豬眼瞓又唔瞓...龍寶寶而家好8掛呢! 呢個褸仔, 買咗成四百幾蚊, 又話今年好凍, 呃人嘅

初二去咗太公家團拜!

今年, 係細姨走咗之後第一次到亞公家, 以往, 細姨會整好多食物招呼我地, 今次, 當然冇啦, 初頭氣氛仲有少少怪添, 大家都唔敢多講嘢, 伯講錯說話><

最後, 坐咗兩個鐘就閃人, 回家沖涼食粥, 之後一家三口去食開年飯~~~




**今年最後都冇返大陸, 因為99話返得嗰一日又帶咁多嘢就無謂了, very good, 因為我十萬個唔想返**

失蹤咗....XP

本身係因為太忙冇時間寫blog, 冇寫成個月blog....如果公司可以上網你話幾好呢....

點知, 成個一月, 我同龍寶寶返咗婆婆家住, 忙到冇停手, 又成個月冇寫blog。事緣因為我姑仔(老公個細妹)要生仔,99要幫佢坐月, 冇人湊龍寶寶, 只好搵我媽麻煩囉。每晚一放工就仆返屋企幫手, 因為我媽都湊緊我侄仔...

返到屋企, 嗱嗱聲沖個涼, 好快就開飯, 跟住就泵奶, 洗奶樽, 好嘅話就21:15前完成, 可以坐下, 因為十點幾又要同佢準備瞓覺了...呢個月就咁樣過。

同表哥玩~~

8個半月仲未識趴, 太渣了~

有時都幾乖嘅!!!

整咗Passport 同回鄉證準備新年返大陸....

你地睇下張回鄉證嘅相, 影得好醜樣呀, 智障妹咁

公公失手, 睇唔實, 個頭撞埋後面啲木度, 即時紅咗~


最後住到年廿九先走人, 仆返屋企準備過年嘅嘢, 忙到死呀!!!!